Surat Sanga Tona Nada Bolkas
Lungun Ni Inang Mon Namarsitu-Tu
Marsak Merjeng Damang Si Nuan Tunas
Sibukku Damang Marniang Marjinggolu
Di Porom Damang Da Sotar Porom
Burukpe Appang Leng So Malamun
Morong Pe Au Damang Morong-Orong
Pu Pu Marun Batuk Ho Do Si Ubat Lungun
Hutugeti Mardalan Mosor-Osor
Manjalahi Ho Anakku Sampuraga
Mamolus Tombak Silongon-Longon
Na Manuat Amang Baya Jumbum Bajomba
Mamolus Tombak Silongon-Longon
Na Manuat Amang Baya Jumbum Bajomba
Patakkas Simanjojak Au Amang
Pagayung Alak Amang Di Si Mangido
Songon Labi Au Mardalan Mumapagapa
Manjalahi Ho Amang Leng So Pasuo
Na Da Tottu Au Amang Marpanyogon
Si Pareonki Manetek Tu Bibir Ki Atcim
Marapi Ni Puncak Boltok Marreok
Masuppak Gonggam Ni Si Mangido
Manombo Mangan Ube Ni Sihim
Batu Ni Rimbang Pe Amang Hu Porngas
Marsak Merjeng Sibukku Mangging
Na Malungun Amang Tu Si Nuan Tunas
Amang Tappuk Ni Pusu Pusukku
Di Parsuohot Tuhan Dope Hita
Jagit Tangankon Soualuk Kou Umma
Ubat Ni Lungunku Amang Sampuraga
Mardalan Pe Au Amang Marunjom-Unjom
Pu Pu Unggal ..Pu Pu Tombom
Dong Marsuo Hape Ho Amang Mangkunyom
Ate-Ate Kon Amang Songon Na Di Sombom
Di Na Laos Lakkaho Sian Bagas Ta
Hutungkus Indahan Margule Sira
Hape Sannari Ho Amang Madung Raja
Ulak Ko Amang.. Malu Mar Ina
Hape Sannari Ho Amang Madung Raja
Ulak Ko Amang.. Malu Mar Ina
Makkasuak Amang Abit Kon
Idaho Do Baju Nadi Dukkapan
Disarat Au Amang Di Rekrek Kon
Inda Pola Tuk Haccit Ni Naso Mangan
Makka Barbar Damang Makkabugang
Mar Mudari Sibukkon Boti Mar Daro
Di Pangumbani Ni Ulu Balang
Saotik Pe Ho Amang Na Da Mangibo
Diusir Ko Au Amang Sampuraga
Siantagukkonkon Do Ho Amang Managuk
Dilehen Tuhan Di Ho Pangajaran
I Bana Do Pangaduan Laos Mangangguk
