Mao' Sikolah Injeh Diri' Ka' Maniamas
Manyak Barayukng
Ati Nang Susah Pun Jadi Sanang..
Kade' Sikolah Ame Sampe Diri' Pamalas..
Na' Ada Untukng Tapi Ati Jadi Na' Tanang..
Ka' Maniamas Ada Sanggar Tari Pabayo..
Sambil Balajar Nyahit Baju Adat Sabalah..
Banar Sikolah Ame Kao Karaja Layo..
Urakng Ntuha Ngarap Kao Batol Sikolah..
Reff :
Oh.. Maniamas..
Tampat Kami Sikolah Manuntut Ilmu..
Oh.. Maniamas..
Tampat Kami Sikolah Manuntut Ilmu..
Ka' Kantin Beta Mali Tisu Man Mali Bakwan..
Duduk Basela Rami-Rami Ka' Bangku Papatn
Rajin Sikolah Biar Diri' Manyak Bakawan..
Muka' Wawasan Untuk Idup Ka Masa Depan..
Sabuah Buku Diri' Namu Ka' Tangah Sami..
Riapm Malancar Sidi Gagas Man Sidi Edo'..
Samua Suku Jadi Sote' Ka' Tampat Kami..
Sama Balajar Nuju Masa Depan Nang Edo'..
Reff :
Oh.. Maniamas..
Tampat Kami Sikolah Manuntut Ilmu..
Oh.. Maniamas..
Tampat Kami Sikolah Manuntut Ilmu..
Babaju Merah Diri' Ampus Ka' Tangah Pasar..
Mali Galas Nto' Diri Nyocok Kak Ai'..
Rajin Sikolah Biar Diri' Manjadi Pintar..
Ame Pamalas Nae Nyasal Ka' Dudi Ari..
Ka' Rame Muda' Ngago' Ongotn Ame Dibalah..
Manyak Nang Tuha
Mao' Ampus Nyamah Ka'daya..
Umur Gi' Muda' Ame Diri Bai' Sikolah..
Umur Dah Tuha Ahe Akal Payah Badaya..
Maba Tikuyung Basilawar Panyakng Sabalah..
Ngago' Kalumi' Ati-Ati Manyak Baduri..
Baba Ayukng Rami-Rami Diri' Sikolah..
Karaja Sama Mambangun Daerah Diri'..
Reff :
Oh.. Maniamas..
Tampat Kami Sikolah Manuntut Ilmu..
Oh.. Maniamas..
Tampat Kami Sikolah Manuntut Ilmu..
Oh.. Maniamas..
Tampat Kami Sikolah Manuntut Ilmu..
Oh.. Maniamas..
Tampat Kami Sikolah Manuntut Ilmu..
Tampat Kami Sikolah Manuntut Ilmu..
Manuntut Ilmu..
