Chorus
దేవర నీ దేవెనలు - ధారళముగను వీరలపై
బాగుగ వేగమె దిగనిమ్ము - పావన యేసుని ద్వారగను
Verse 1
దంపతులు దండిగ నీ - ధాత్రిలో వెలయుచు సంపదలన్
సొంపుగ నింపుగ పెంపగుచు - సహింపున వీరు సుఖించుటకై
Verse 2
ఈ కవను నీ కరుణన్ - ఆకరువరకును లోకములో
శోకము లేకయె యేకముగాఁ - బ్రాకటముగను జేకొనుము
Verse 3
ఇప్పగిది నెప్పుడును - గొప్పగు ప్రేమతో నొప్పుచు దా
మొప్పిన చొప్పునఁ దప్పకను - మెప్పుగ బ్రతుకగఁ బంపు కృపన్
Verse 4
తాపములు పాపములు - మోపుగ వీరిపై రాకుండగాఁ
గాపుగఁ బ్రాపుగ దాపునుండి - యాపద లన్నియుఁ బాపుచును
Verse 5
సాధులుగన్ జేయుటకై - శోధనలచే నీవు శోధింపగాఁ
కదలక వదలక ముదమున నీ - పాదము దాపునఁ బాదుకొనన్
Verse 6
మెండుగ భూ మండలపు - గండములలో వీరుండగను
తండ్రిగ దండిగ నండనుండి - వెండియు వానిని ఖండించవే
Verse 7
ఇద్దర వీ రిద్దరును - శుద్ధులై నిన్ను సేవించుటకై
శ్రద్ధతో బుద్ధిగ సిద్ధ పడన్ - దిద్దుము నీ ప్రియ బిడ్డలుగాన్
Verse 8
వాసిగ నీ దాసులము - చేసిన యీ మొఱల్ దీసికొని
మా సకలేశ్వర నీ సుతుఁడౌ - యేసుని పేరిటఁ బ్రోవు మామేన్
